ფრანგულმა მხარემ თბილისის საერთაშორისო აეროპორტის ასაფრენი ბილიკის რეაბილიტაციისა და გაფართოების ფარგლებში დაგეგმილი ღონისძიებებისთვის 705 073 ევრო გამოყო.
საფრანგეთის მთავრობის დახმარებით, თბილისის აეროპორტის ასაფრენი ბილიკის რეაბილიტაციისა და გაფართოების პროექტის წინა კვლევითი სამუშაოების ჩატარების საკითხთან დაკავშირებით, დღეს საქართველოს ეკონომიკური განვითარების მინსტრმა ზურაბ პოლოლიკაშვილმა და მისმა მოადგილემ, გიორგი კარბელაშვილმა კომპანია ADPI-ის (პარიზის აეროპორტების მშენებლობა) წარმომადგენლებთან შეხვედრაზე იმსჯელეს.
705 073 ევროს დახმარება საფრანგეთის მთავრობის გადაწყვეტილებით, წინამოსამზადებელი სამუშაოების პროექტის განსახორცილებლად ეკონომიკის, მრეწველობისა და შრომის სამინისტროს პროგრამა FAჩEP-ის ფარგლებში გამოიყო. სამუშაოებს ADPI განახორციელებს.
პროექტის ხელძღვანელმა მიშელ რიკომ პოლოლიკაშვილს სამუშოების გეგმა გააცნო. ქართული მხარე საკუთარი სახსრებით გეოტექნიკურ და ტოპოგრაფიულ კვლევებს ჩაატარებს და ფრანგულ მხარეს მომსახურების შესასრულებლად საჭირო ფართს და ლოჯისტიკას გადასცემს. ADPI სამუშოებს 6 თვის ვადაში დაასრულებს.
პოლოლიკაშვილის განცხადებით, საფრანგეთის მთავრობის მიერ გამოყოფილი თანხა მთლიანად მოხმარდება ასაფრენი ზოლის რეაბილიტაციის და გაფართოების მოსამზადებელ სამუშაოებს, რის შემდეგაც პროექტი დეტალურად დამუშავდება.
`ასაფენი ზოლის რეაბილიტაცია-გაფართოების პროექტი ძალიან მნიშვნელოვანია სამომავლოდ დიდი მასშტაბის თვითმფრინავების მისაღებად~, - ზურაბ პოლოლიკაშვილმა.