გიორგი ოქროპირიძის მიმართ პატიმრობის გაუქმების შესახებ დღეს საქალაქო სასამართლოში პროცესი 15:00 საათზეა ჩანიშნული.
საკონსტიტუციო სასამართლოს გადაწყვეტილების საფუძველზე, ოქროპირიძის გათავისუფლების მოთხოვნით დაცვის მხარემ სასამართლოს გუშინ მიმართა.
საკონსტიტუციო სასამართლოს გადაწყვეტილება - 9-თვიანი ვადის ამოწურვის შემდეგ შეფარდებული ხელახალი პატიმრობის არაკონსტიტუციურად ცნობის შესახებ, ყველა მსგავს საქმეზე ვრცელდება.
შეგახსენებთ, გიორგი ოქროპირიძე ბრალდებულია ვაკეში აბაშიძის ქუჩაზე 25 წლის ლაშა მახარაძის მკვლელობაში. მის მიმართ ბრალდების საქმეზე ნაფიცმა მსაჯულებმა ერთხელ უკვე იმსჯელეს, თუმცა 9-თვიანი ვადის ამოწურვის პარალელურად მათ ვერდიქტი ვერ მიიღეს. ვადის ამოწურვის დროს კი გიორგი ოქროპირიძეს ახალი ბრალი წარედგინა, ცრუ დასმენისა და ცრუ ჩვენების მიცემის საქმეზე, რაზეც მას კვლავ პატიმრობა განესაზღვრა.
