უკრაინის პრეზიდენტმა მრჩეველის პოსტი ავსტრალიის ყოფილ პრემიერ-მინისტრს, ტონი ებოტს შესთავაზა. ეს ინფორმაცია პეტრო პოროშენკოს ოფიციალურ ვებ-გვერდზეა გამოქვეყნებული. გავრცელებული ინფორმაციით, უკრაინის ლიდერი ავსტრალიის ექსპრემიერს ტელეფონით დაუკავშირდა და უკრაინის სუვერენიტეტისა და ტერიტორიული მთლიანობის მხარდაჭერისთვის მადლობა გადაუხადა. ებოტმა პრემიერის პოსტი რამდენიმე დღის წინ დატოვა. მთავრობის მეთაურის პოსტზე ის მალკოლმ ტერნბულმა ჩაანაცვლა.
