უნგრეთი დამცავი ბარიერის მშენებლობას რუმინეთის საზღვარზეც იწყებს. ამის შესახებ ქვეყნის საგარეო საქმეთა მინისტრმა პეტერ სიარტომ განაცხადა.
ვითარება კვლავ დაძაბული რჩება სერბეთის საზღვარზეც, სადაც მავთულხლართებიანი ბარიერი უკვე აგებულია. სასაზღვრო მონაკვეთზე დიდი რაოდენობით ლტოლვილები არიან კონცენტრირებულნი. პოლიციამ რკინიგზის გადასასვლელის ბლოკირებაც მოახდინა, რომლის გავლითაც მიგრანტები უნგრეთის ტერიტორიაზე ხვდებოდნენ.
ახალი კანონმდებლობა პოლიციას ლტოლვილების დაპატიმრების უფლებას აძლევს.
