პრემიერ-მინისტრად მიხეილ სააკაშვილის შესაძლო დანიშვნასთან დაკავშირებით კომენტარი უკრაინის პრეზიდენტმა გააკეთა. ბრიტანული „ინდეპენდენტისთვის“ მიცემულ ინტერვიუში პოროშენკო ამ საკითხთან დაკავშირებით მცირე ფრაზით შემოიფარგლა:
„რა თქმა უნდა, ის კარგი პრემიერ-მინისტრი იქნებოდა...საქართველოში.“
კონფლიქტი ოდესის გუბერნატორსა და პრემიერ იაცენიუკს შორის მას შემდეგ გამწვავდა, რაც სააკაშვილმა მთავრობის მოქმედი მეთაური ოლიგარქთა მფარველობაში დაადანაშაულა. ამის შემდეგ სააკაშვილის პრემიერად დანიშვნის მოთხოვნით პოროშენკოს ვებ-გვერდზე სპეციალური პეტიცია დაიდო, რომელსაც ხელი 25 ათასზე მეტმა ადამიანმა მოაწერა.
