ბელარუსის ცენტრალურმა საარჩევნო კომისიამ საპრეზიდენტო კანდიდატთა ფინანსური დეკლარაციები გამოაქვეყნა.
განსაკუთრებულ ინტერესს მოქმედი პრეზიდენტის, ალექსანდრ ლუკაშენკოს ქონებრივი მდგომარეობა იქვევს. დეკლარაციის თანახმად, ბელარუსის ლიდერი არცთუ ისე მდიდარი ადამიანია. მისი ყოველთვიური ხელფასი 46 მილიონ ბელარუსულ რუბლს (4,5 ათასი აშშ დოლარი) შეადგენს, სხვა შემოსავალი კი ლუკაშენკოს არ გააჩნია.
რაც შეეხება მის მეუღლეს, პროვინციაში მცხოვრებ გალინა ლუკაშენკოს საშუალო შემოსავალი 800 დოლარს არ აღემატება. მას შკლოვში საცხოვრებელი სახლი აქვს და ადგილობრივი ზეთის ქარხნის 56 აქციას ფლობს.
ლუკაშენკოს უფროსი ვაჟების ქონება დეკლარაციაში შესული არ არის.
