ამერიკელი მხატვრის ენდი უორჰოლის 9 ტილო, საერთო ღირებულებით 350 ათასი დოლარი, მოპარულია ლოს-ანჯელესში. ამასთან, როგორც პოლიციას აცნობეს, დანაშაული შესაძლებელია სამი წლის წინ იყოს ჩადენილი.
გავრცელებული ინფორმაციით, ბოროტმოქმედებმა ორიგინალი ყალბით ჩაანაცვლეს. ძარცვის ზუსტი თარიღი უცნობია. ექსპერტების აზრით ეს შეიძლება ბოლო სამი წლის განმავლობაში მომხდარიყო.
ჩანაცვლების შესახებ ცნობილი მას შემდეგ გახდა, რაც ორი სურათი სახელოსნოში ჩარჩოს შესაცლელად გაიგზავნა. ნახატებზე ავტორის ხელმოწერა არ აღმოჩნდა.
მოპარული ნახატებიდან ექვსი იყო სერიიდან ” მე-20 საუკუნის 10 ცნობილი ებრაელი”. მოპარულია მარტინ ბუბერი, სარა ბერნარის, ზუგმუნდ ფროიდის, ლუი ბრანდეის, ჯორჯ გერშვინის და გერტრუდ სტაინის პორტრეტები.
ასევე, გატაცებულია ტილოები სერიიდან ”გამქრალი სახეობები” გავრცელებული ინფორმაციით, ერთ-ერთი სურათი, შესაძლოა, 2011 წელს აუქციონის სახლის Bonhams მეშვეობით გაიყიდა, ამჟამად პოლიცია იმედოვნებს კრიმინალზე გამყიდველის მეშვეობით გავიდეს.
