გერმანიის საგარეო საქმეთა მინისტრი ფრანკ-ვალტერ შტაინმაიერი რუსეთს ურჩევს, მარტო ნუ ჩაერთვება სირიის კონფლიქტში.
გერმანიის საგარეო საქმეთა მინისტრის აზრით, აუცილებელია არ მოხდეს ”სირიის საქმეში თვითნებური ჩარევა”. ფრანკ-ვალტერ შტაინმაიერი დარწმუნებულია, რომ სირიისთვის დახმარება შესაძლებელია მხოლოდ კოლექტიური ქმედებებით.
მსგავსი განცხადება, რუსეთის მიმართ სირიის კონფლიქტის გამო, ასევე გააკეთა აშშ-ს პრეზიდენტმა ბარაკ ობამამ. ობამას მტკიცებით, მოსკოვის მხრიდან სირიის ლიდერის ბაშარ ალ-ასადის მხარდაჭერა წარმატებით არ დასრულდება. ანალოგიური პოზიცია დაიკავა სახელმწიფო დეპარტამენტმაც.
რუსეთის საგარეო საქმეთა წარმომადგენელმა მარია ზახაროვამ, დასავლეთის რეაქციაზე სირიაში რუსული სამხედრო ტექნიკის არსებობის შესახებ განაცხადა, რომ მოსკოვი ღიად სთავაზობდა სირიის ხელმძღვანელობას დახმარებას ტერორიზმთნ ბრძოლაში.
