მოსკოვმა სირიაში ჯარები აგვისტოს დასაწყისში შეიყვანა, - აღნიშნულის შესახებ დასავლეთის მედია იუწყება.
გავრცელებული ინფორმაციით, სირიაში ჯარების შეყვანა ირანის სპეცდანიშნულების რაზმის მეთაურის კასელ სულეიმანისა და რუსეთის პრეზიდენტ ვლადიმერ პუტინის საიდუმლო შეხვედრის შემდეგ მოხდა.
იმის მიუხედავად, რომ გაეროს უშიშროების საბჭოს რეზოლუციით, სულეიმანს აკრძალული აქვს ქვეყნის ტერიტორიის დატოვება, 24-26 ივლისს ის მოსკოვში იმყოფებოდა, სადაც თავდაცვის მინისტრს შოიგუს და პრეზიდენტ პუტინს შეხვდა. სწორედ ამ შეხვედრაზე გადაწყდა, ერთობლივი სამხედრო კამპანიის აუცილებლობა.
”სირიაში ახლა რუსეთი გამოდის, არა როგორც მრჩევლის არამედ ერთ-ერთი მხარის როლში”, - წერს ”ფოქს ნიუსი”.
