მოსკოვი სირიაში იარაღის შეტანისა და სამხედრო გააქტიურების ფაქტს უარყოფს. საგანგებო განცხადება საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა. მისივე თქმით, მოსკოვსა და დამასკოს შორის კონტაქტი სამხედრო-ტექნიკური თანამშრომლობის შეთანხმების ფარგლებს არ გასცდენია. „ჩვენ არ დაგვირღვევია არც ორმხრივი ვალდებულებები და არც საერთაშორისო ნორმები. ჩვენ სუვერენული სახელმწიფო ვართ და გვაქვს სრული უფლება, სხვა სახელმწიფოს საერთაშორისო ტერორიზმთან ბრძოლაში დავეხმაროთ,“აღნიშნა ზახაროვამ.
