რუსეთის საგამოძიებო კომიტეტის ხელმძღვანელის, ალექსანდრ ბასტრიკინის განცხადებას იმის შესახებ, რომ უკრაინის ამჟამინდელი პრემიერ-მინისტრი 90-იან წლებში ჩეჩნეთში რუსეთის წინააღმდეგ იბრძოდა, პუტინის პრეს-მდივანი გამოეხმაურა. დიმიტრი პესკოვის თქმით, უწყების მიერ გაკეთებული განცხადებები ამათუიმ დანაშაულის შესახებ, როგორც წესი, რეალურ საფუძველს მოკლებული არ არის. ოფიციალურმა კიევმა ბასტრიკინის განცხადებას აფსურდული უკვე უწოდა. იაცენიუკის პრეს-მდივანმა კი მოსკოვს საგამოძიებო კომიტეტის ხელმძღვანელისთვის ფსიქიატრიული გამოკვლევის ჩატარება ურჩია.
