ევროკომისაიამ ევროკავშირის ქვეყნებში 120 ათასამდე ლტოლვილი გადაანაწილა. ახალი სია ჟან კლოდ იუნკერმა უკვე გამოაქვეყნა. გარდა ამისა, ევროკომისიის ხელმძღვანელის განკარგულებით სპეციალური ფონდი შეიქმნა, რომელიც კრიზისების დასარეგულირებლად 1,8 მილიარდ ევროს დახარჯავს. ახალი ქვოთებით, იტალიაში, საბერძნეთსა და უნგრეთში მყოფი ლტოლვილების 60 პროცენტს გერმანია, საფრანგეთი და ესპანეთი მიიღებს, ქვეყნებს კი, ვინც მიგრანტთა შეფარებაზე უარს იტყვის, შესაძლოა სანქციები დაუწესონ.
