ევროკავშირის მიერ ლტოლვილთა მიღებაზე ქვოთების დაწესება კრიზისის მოგვარებისთვის გადადგმული პირველი ნაბიჯია. ამის შესახებ გერმანიის კანცლერმა ანგელა მერკელმა განაცხადა.
მისივე თქმით, ევროკომისია დღეს დაასახელებს, თუ რომელ ქვეყნებში განაწილდება 120 ათასამდე მიგრანტი, რომლებმაც ევროკავშირის საზღვარი უკვე გადაკვეთეს.
როგორც გერმანიის კანცლერი აცხადებს, გერმანიას ლტოლვილთა დიდი ნაკადის მიღება შეუძლია, თუმცა კრიზისის დარეგულირების პროცესში აუცილებელია ევროკავშირის წევრი სხვა ქვეყნებიც ჩაერთონ.
