მომავალი 5 წლის განმავლობაში ბრიტანეთი 20 ათასამდე ლტოლვილს მიიღებს. ამის შესახებ ქვეყნის პრემიერ-მინისტრმა დევიდ ქემერონმა პარლამენტში გამოსვლისას განაცხადა. მანამდე ოფიციალური ლონდონი აცხადებდა, რომ მხოლოდ 10 ათასი მიგრანტის მიღება შეეძლო. სირიიდან და ლიბიიდან ლტოლვილთა ნაკადის გაზრდამ ბრიტანეთის მთავრობის მეთაური მძიმე მდგომარეობაში ჩააყენა. ერთი მხრივ, გაერთიანებული სამეფოს კონსერვატიული მთავრობა საემიგრაციო პოლიტიკის გამკაცრებას მოითხოვს, მეორე მხრივ კი ქემერონის მთავრობას ევროკავშირი მიგრანტთა მიღებას ავალდებულებს.
