გერმანიაში ლტოლვილთა შედინების პროცესი ქვეყანას შეცვლის. ამის შესახებ კანცლერმა ანგელა მერკელმა განაცხადა. მისივე თქმით, ხელისუფლება ლტოლვილთათვის თავშესაფრის მიცემის პროცედურას დააჩქარებს და ამისთვის დამატებით სახსრებსაც გამოჰყოფს, თუმცა მიგრანტთა პრობლემას მხოლოდ გერმანია ვერ გადაჭრის. მერკელის თქმით, პრობლემის დასაძლევად ევროკავშირის სხვა წევრი ქვეყნების ჩართულობაცაა საჭირო. მანამდე გერმანიის მთავრობამ ლტოლვილთათვის 6 მილიარდი ევრო გამოჰყო. ქვეყანაში ლტოლვილთა ახალი თავშესაფრები აშენდება, რომლებიც 150 ათასამდე ადამიანს დაიტევს.
