გერმანიის ხელისუფლება მიგრანტებში იაფფასიან მონებს ხედავს. მორიგი სკანდალური განცხადება საფრანგეთის “ეროვნული ფრონტის” ლიდერმა მარინ ლე პენმა გააკეთა. მისივე მტკიცებით, ათასობით ლტოლვილის მიღება გერმანიის ხელისუფლებას ხელფასების შემცირების საშუალებას მისცემს. “გერმანიის მთავრობა მათ მონებად მიიჩნევს, რომლებიც მზად არიან მინიმალურ ანაზღაურებაზე იმუშაონ. ამ გზით ხელისუფლება ქვეყანაში ხელფასების დონის ხელოვნურ შემცირებას შეეცდება,”-აღნიშნა ლე პენმა.
