ამერიკა საქართველოს მთავარი სტრატეგიული მოკავშირეა, სენატორი მაკკეინი კი - საქართველოს ერთ-ერთი ყველაზე ძლიერი მხარდამჭერი კონგრესში, - ამის შესახებ საქართველოს პრემიერ-მინისტრმა საერთაშორისო კონფერენციაზე "ევროპის ახალი გეოპოლიტიკური ლანდშაფტი: უსაფრთხოება, ეკონომიკური შესაძლებლობები, თავისუფლება და ადამიანური ღირსება ფრონტისპირა ქვეყნებში" სიტყვით გამოსვლისას განაცხადა.
ირაკლი ღარიბაშვილმა ასევე განაცხადა, რომ საქართველო ამერიკისა და ევროპის ახლო მოკავშირეა იმისდა მიუხედავად, თუ რომელი პოლიტიკური პარტია იქნება საქართველოს მთავრობაში სათავეში. -
,,საქართველო, ჭეშმარიტად, ფრონტის წინა ხაზზე მდგომი ქვეყანაა. ჩვენ, მართლაც, ვიმყოფებით საერთაშორისო თანამეგობრობის წინაშე მდგარი მრავალი დიდი გამოწვევის წინა ხაზზე. მნიშვნელოვანი რეგიონალური საფრთხეებისა და ეკონომიკური დაბრკოლებების წინაშე მდგომნი, ჩვენ ვმართავთ ქვეყანას იმავე პრაგმატული მიდგომითა და შემართებით, როგორც ამას ჩვენი წინაპრები აკეთებდნენ უსაფრთხოებისა და გადარჩენის მიზნით”, - განაცხადა პრემიერმა.
მისი თქმით, ძირითადი კომპონენტი საქართველოს დემოკრატიული განვითარების გზაზე არის ევროპულ და ევროატლანტიკურ სტრუქტურებში ინტეგრაცია.
