გერმანიის მთავრობა კი ლტოლვილთა ნაკადის გაზრდისთვის ემზადება. ხელისუფლებამ შექმნილი კრიზისის გამო საგანგებო ზომები მიიღო.
ლტოლვილთა მისაღებად რეგიონალურ მთავრობებსა და მინიციპალიტეტებს თავშესაფრების გამოძებნა და ბიუროკრატიული პროცედურიბის გამარტივება დაევალათ. მიგრანტთა მისაღებად რეგიონებს ფედერალური ბიუჯეტიდან 3 მილიარდი ევრო გამოეყოფა. ამავე რაოდენობის თანხის გამოყოფა იგეგმება მომავალი წლის ბიუჯეტიდანაც.
როგორც ოფიციალური ბერლინი აცხადებს, გერმანია სულ 800 ათასამდე ლტოლვილის მიღებას გეგმავს, რისთვისაც ჯამში 10 მილიარდამდე ევროს გამოყოფას აპირებს. ბოლო ორი დღის განმავლობაში მხოლოდ მიუნჰენმა 7400-ზე მეტი მიგრანტი მიიღო.
