მოლდოვაში, მთავრობისა და პრეზიდენტ ნიკოლაი ტიმოფტის გადადგომის მოთხოვნით, ორი ანტისამთავრობო დემონსტრაცია მიმდინარეობს. ადგილობრივი მედიის ცნობით, დედაქალაქის ცენტრში, მრავალათასიანი აქცია ორგანიზებულია პლატფორმა - "ღირსებისა და სიმართლის" მიერ. მათი თქმით, ხელისუფლებამ პასუხი უნდა აგოს ქვეყანაში შექმნილი სოციალურ-ეკონომიკური კრიზისის გამო. მთავრობის გადადგომის შემდეგ კი, უნდა შეიქმნას სახალხო ნდობის მთავრობა.
კიშინიოვში მიმდინარეობს მეორე ანტისამთავრობო დემონსტრაციაც. გენერალური პროკურატურის შენობასთან პოლიციასა და საპროტესტო აქციის მონაწილეებს შორის შეხლა-შემოხლაც მოხდა. დაშავებულების შესახებ ინფორმაცია არ ვრცელდება. უწყებასთან საპროტესტო აქციას მართავს პარტია "მოლდოვა - ჩვენი სახლი".
აქციის მონაწილეების მოთხოვნაა მარტში ვადამდელი არჩევნების დანიშნვნა.მომიტინგეებმა განაცხადეს, რომ კიშინიოვის ცენტრში კარვების გაშლას აპირებენ და დაშლას მათი ყველა მოთხოვნის შესრულდებამდე არ გეგმავენ.
