,,ერთიანი ნაციონალური მოძრაობამ" პარლამენტისა და საკრებულოს შუალედურ არჩევნებისთვის, ცენტრალურ საარჩევნო კომისიაში რეგისტრაცია გაიარა. აღნუშნულთან დაკავშირებით, ინფორმაცია ცესკოს ვებ-გვერდზე განთავსდა, რის შემდეგაც ენმ-მ განმარტება გააკეთა.
როგორც პარტიის მიერ გავრცელებულ განცახდებაშია აღნიშნული ,,ნაცმოძრაობამ” ცეკო-შო რეგისტრაცია მხოლოდ იმ მიზნით გაიარა, რომ გამოიყენოს კანონით მინიჭებული უფასო საეთერო დრო და საზოგადოებას გააცნოს 31 ოქტომბრის არჩევნებისათვის ბოიკოტის გამოცხადების მიზეზები,
,,ერთიანი ნაციონალური მოძრაობა 31 ოქტომბერს დაგეგმილ პარლამენტის შუალედურ არჩევნებში მარტვილისა და საგარეჯოს საარჩევნო ოლქებში მონაწილეობას არ იღებს, შესაბამისად, არ წარადგენს კანოდადატებს და არ დანიშნავს წევრებს საარჩევნო კომისიებში. ,,ერთიანმა ნაციონალურმა მოძრაობამ” გაიარა საარჩევნო რეგისტრაცია, რათა გამოიყენოს კანონით მინიჭებული უფასო საეთერო დრო და საზოგადოებას კარგად გააცნოს 31 ოქტომბრის არჩევნებისათვის ბოიკოტის გამოცხადების მიზეზები - ქვეყანაში შექმნილი უმძიმესი ეკონომიკური კრიზისის დაძლევას, ოჯახების გაღარიბების შეჩერებას, სწორი პოლიტიკის გატარებას და ქვეყნის წინსვლას ბიძინა ივანიშვილის ხელისუფლების შეცვლა სჭირდება არა მხოლოდ 2 საარჩევნო ოლქში, არამედ მთელ საქართველოში”, _ნათქვამია პარტიის განცახდებაში.
საკრებულოს შუალედურ არჩევნებში "ნაციონალური მოძრაობა" "ქრისტიან-კონსერვატიულ პარტიასთან" ბლოკის სახით დარეგისტრირდა, პარლამენტის შუალედურ არჩევნებზე კი – დამოუკიდებლად.
პარლამენტისა და საკრებულოს შუალედური არჩევნები ცენტრალური საარჩევნო კომისიის გადაწყვეტილებით 31 ოქტომბერს გაიმართება. პარლამენტის შუალედური არჩევნები მაჟორიტარული საარჩევნო სისტემით, #11 საგარეჯოს და #65 მარტვილის ოლქებში ჩატარდება, ხოლო ადგილობრივი თვითმმართველობის წარმომადგენლობითი ორგანოს, საკრებულოს შუალედური არჩევნები დმანისის, ვანის, ხობის და საგარეჯოს ადგილობრივ საარჩევნო ოლქებში.
