კანონმდებლები „პროკურატურის შესახებ“ კანონპროექტზე მსჯელობენ. ცვლილებებს, დღევანდელ პლენარულ სხდომაზე დეპუტატებს იუსტიციის მინისტრის მოადგილე სანდრო ბარამიძე აცნობს.
საპარლამენტო უმცირესობის წევრის ჩიორა თაქთაქიშვილის შეფასებით, საპროკურორო საბჭო, რომლის შექმნაც ცვლილებების ფარგლებში იგეგმება, ფიქციაა.
,,ნაცვლად იმისა, რომ საბჭო კანონიდან გამომდინარე, საკუთარი მატერიალური და ადამიანური რესურსით აღჭურვილი დამოუკიდებელი ორგანო იყოს, ეს ასე არ იქნება, რაც იმაზე მიუთითებს, რომ ჩანაწერი, რომ საპროკურორო საბჭო სამინისტროსთან არსებული დამოუკიდებელი ორგანოა, არის ფიქცია, ისევე, როგორც ფიქციაა მთელი კანონპროექტი“, - აღნიშნა დეპუტატმა.
ცვლილებების თანახმად, იუსტიციის სამინისტროში საპროკურორო საბჭოც შეიქმნება.
