მიხეილ სააკაშვილი უკრაინის პრემიერ-მინისტრობას არ აპირებს. ამის შესახებ მან „მეხუთე არხის“ პირდაპირ ეთერში განაცხადა. „მთავრობის მეთაური უნდა იყოს წესიერი ადამიანი, რომელიც ფინანსებში კარგად ერკვევა და რომელიც ოლეგარქიული ინტერესებისგან დაცული იქნება. ეს ყველაფერი მე მაქვს, მაგრამ ვფიქრობ, არიან ადამიანები, ვინც ამ საკითხებში ჩემზე უკეთ ერკვევიან. რაც შეეხება საკადრო ცვლილებებს, ეს რა თქმა უნდა, აუცილებელია. უკრაინაში ხელისუფლება მთლიანად პარალიზებულია და მთავრობის განტვირთვაა საჭირო ყველა დონეზე,“-აღნიშნა ოდესის გუბერნატორმა.
