შერიგებისა და სამოქალაქო თანასწორობის საკითხებში სახემწიფო მინისტრის პაატა ზაქარეიშვილის განცხადებით, ვიზალიბერალიზაცია უფრო აფხაზეთისა და ოსებისთვისაა საჭირო, რადგან ისინი საქართველოს სიკეთეებით მეტად დაინტერესდებიან, - ამის შესახებ, მან ,,ამბასადორიალზე” განაცხადა.
„საქართველოს ევროპული და ევროატლანტიკური ინტეგრაცია უშუალოდ პირდაპირ კონფლიქტების მოგვარებას უკავშირდება. იმიტომ, რომ ოკუპირებულ ტერიტორიაზე მცხოვრები მოსახლეობის მნიშვნელოვანი ნაწილი საქართველოს პროგრესით არის დაინტერესებული ევროპის მიმართულებით. იგივე ვიზა-ლიბერალიზაცის თემაზე ჰქონდათ მოლოდინები. ვიზალიბერალიზაცია უფრო აფხაზეთისა და ოსებისთვის გვჭირდება, რადგან ეს ხალხი საქართველოს სიკეთეებით უფრო მეტად დაინტერესდებიან,“ - განაცხადა პაატა ზაქარეიშვილმა.
შეგახსენებთ, რომ თბილისში საქართველოს ელჩების ყოველწლიური შეხვედრა გრძელდება. დიპლომატები მთავრობის წევრებთან ერთად სახელმწიფო პოლიტიკის ძირითად პრიორიტეტებზე მსჯელობენ. ელჩებს უკვე მიმართეს იუსტიციის და თავდაცვის მინისტრმა.
