„ამბასადორიალი 2015“-ის ფარგლებში, საზღვარგარეთ საქართველოს დიპლომატიური მისიის ხელმძღვანელები მთავრობის წევრებს ხვდებიან. სესიის ფარგლებში, საქართველოს დემოკრატიული განვითარების საკითხებს განიხილავენ.
აღნიშნულ საკითხზე ამბასადორიალის მონაწილეებს საქართველოს იუსტიციის მინისტრი თეა წულუკიანი ესაუბრა. მან მოკლედ მიმოიხილა ქვეყნის დემოკრატიული განვითარების გზაზე განხორციელებული რეფორმები, მათ შორის სასამართლოს და პროკურატურის სფეროში.
საუბარი ასევე შეეხო ქვეყანაში გატარებული რეფორმების საერთაშორისო საზოგადოებისთვის წარდგინების მნიშვნელობას და ამ მხრივ ეფექტური მექანიზმის შემუშავებას.
სამუშაო პანელზე ელჩებს ასევე სიტყვით მიმართავენ სახალხო დამცველი უჩა ნანუაშვილი, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე და მთავრობის ადმინისტრაციის ადამიანის უფლებათა დაცვის საკითხის სამდივნოს უფროსი ნატალია ჯალიაშვილი
