საგარეო საქმეთა ახალი მინისტრის გიორგი კვირიკაშვილის თქმით, საქართველოს ევროპულ და ევროატლანტიკურ სტრუქტურებში ინტეგრაციის პროცესი კვლავ გაგრძელდება. ამის შესახებ, კვირიკაშვილმა ,,ამბასადორიალზე” სიტყვით გამოსვლისას განცხადა.
,,გაგრძელდება ჩვენი საგარეო პოლიტიკის შეუქცევადი კურსი ევროპულ და ევროატლანტიკურ სტრუქტურებში ინტეგრაციისაკენ. ამ მიმართულებით, მთავარ ამოცანას წარმოადგენს ევროკავშირთან ასოცირების შეთანხმების წარმატებით განხორციელება და ღრმა და ყოვლისმომცველი სავაჭრო სივრცით გახსნილი შესაძლებლობების მაქსიმალური გამოყენება. უახლოესი პრიორიტეტია ევროკავშირთან სავიზო ლიბერალიზაციის პროცესის წარმატებით დასრულება, რაც კიდევ უფრო დაახლოებს ჩვენს ქვეყანას ევროპასთან”, _აღნიშნა მინისტრმა.
მისივე თქმით, საგარეო უწყება გააგრძელებს წვლილის შეტანას საერთაშორისო უსაფრთხოების უზრუნველყოფაში.
