აშშ-ში დანაშაულის მაჩვენებელმა იმატა. ამის შესახებ NewYorkTimes წერს. ვაშინგტონს 2015 წლის ანგარიში ჯერ არ გამოუქვეყნებია, თუმცა როგორც გამოცემა იტყობინება, რამდენიმე ქალაქში დანაშაულის მაჩვენებელი მკვეთრად არის მომატებული. ყველაზე მეტი დანაშაული მიმდინარე წელს მილოუკშია (ვისკონსინი) დაფიქსირებული, სადაც მკვლელობების რაოდენობა 76 პროცენტით გაიზარდა. მეორე ადგილს 60 პროცენტით სენტ ლუისი (მისური) იკავებს, მესამე პოზიციაზე კი 56 პროცენტით ბალტიმორია.
