კიევში უმაღლეს რადასთან მომხდარ ინციდენტს ტერაქტის კვალიფიკაციას მისცემენ. ამის შესახებ უკრაინის გენერალურმა პროკურორმა განაცხადა. ვიქტორ შოკინის თქმით, გამოძიება უკვე დაწყებულია და დამნაშავეები ტერორიზმის მუხლით გასამართლდებიან. შეტაკებები უმაღლეს რადასთან 31 სექტემბერს დაიწყო, მას შემდეგ, რაც პარლამენტმა საკონსტიტუციო ცვლილებებს მხარი დაუჭირა. რადასთან შეკრებილ დემონსტრანტთაგან ერთ-ერთმა სამართალდამცავებს საბრძოლო ხელყომბარა ესროლა, რასაც ერთი ადამიანი ემსხვერპლა, 120-ზე მეტი კი დაშავდა.
