პრემიერ-მინისტრმა ირაკლი ღარიბაშვილმა, "ამბასადორიალზე" შეკრებილებს, ახლადდანიშნული საგარეო საქმეთა მინისტრი გიორგი კვირიკაშვილი წარუდგინა.
პრემიერ-მინიტრმა გიორგი კვირიკაშვილის წარდგენისას განსაკუთრებული ყურადღება მის გამოცდილებაზე გაამახვილა.
„მაქვს პატივი წარმოგიდგინოთ თქვენი უწყების ახალი ხელმძღვანელი, ბატონი, გიორგი კვირიკაშვილი. ბატონ გიორგის დიდი ცოდნა და გამოცდილება აქვს, რომელიც დაგვეხმარება, რომ ისეთი საგარეო პოლიტიკა ვაწარმოოთ, რომელიც კიდევ უფრო მეტად იქნება დაკავშირებული ჩვენი ქვეყნის ეკონომიკურ განვითარებასთან“, - განაცხადა პრემიერ-მინისტრმა.
მისივე თქმით, გიორგი კვირიკაშვილის საერთაშორისო სავაჭრო და ეკონიმიკური კავშირები ხელს შეუწყობს ქვეყნის ეკონომიკური განვიტარების ახალ ეტაპზე გადაყვანას.
„ბატონ გიორგის აქვს საერთაშორისო, სავაჭრო და ეკონიმიკური კავშირები, რაც ხელს შეუწყობს ამ ურთიერთობების ახალ ეტაპზე გადაყვანას. ის, რომ ქვეყნის პირველი, მთავარი გზავნილი არის ის, რომ ვიცე-პრემიერი იქნება ამავდროულად საგარეო საქმეთა მინისტრი, ეს ძალიან ბევრს ნიშნავს,"- აღნიშნა ღარიბაშვილმა.
