ვენაში მიგრანტების მხარდამჭერი აქცია გაიმართა. მსვლელობებში მონაწილეობა 20 ათასზე მეტმა ადამიანმა მიიღო. ხალხმრავალი აქციის გამო ქალაქის ცენტრი რამდენიმე საათით გადაიკეტა. დემონსტრანტები სიყვარულსა და სოლიდარობაზე ცნობილ ავსტრიულ სიმღერებს მღეროდნენ და ხელისუფლებას ლტოლვილების დახმარებისკენ მოუწოდებდნენ. ევროპაში ლტოლვილთა რაოდენობა ბოლო 3 თვის განმავლობაში კატასტროფულად გაიზარდა. მხოლოდ ივლისში ევროკავშირის ქვეყნებში 107 ათასზე მეტი ლტოლვილი შევიდა.
