1-ელ სექტემბერს საქართველოს პარლამენტი საქმიანობას განაახლებს. რეგლამენტის თანახმად, საკანონმდებლო ორგანო საშემოდგომო სესიას სექტემბრის პირველ სამშაბათს ხსნის და დეკემბრის ბოლოს ხურავს.
როგორც საპარლამენტო უმრავლესობის ლიდერი დავით საგანელიძე აცხადებს, საშემოდგომო სესია დღის წესრიგში ბევრი მნიშვნელოვანი კანონპროექტია.
ერთ-ერთი მთავარი საკითხი, რაზეც საშემოდგომო სესიის დასაწყისში იმსჯელებენ, იქნება "ეროვნული ბანკის შესახებ" კანონპროექტზე პრეზიდენტის მიერ გამოყენებული ვეტო და მის მიერ პარლამენტისთვის შეთავაზებული ე.წ. მოტივირებული შენიშვნები. საპარლამენტო უმრავლესობის ლიდერის დავით საგანელიძის ინფორმაციით, 1-4 სექტემბრის სასესიო კვირას „ეროვნული ბანკის შესახებ“ კანონზე პრეზიდენტ გიორგი მარგველაშვილის ვეტო იქნება დაძლეული.
