დაპირისპირება უკრაინის პარლამენტთან. უმაღლესი რადის შენობასთან საკონსტიტუციო ცვლილებები 3 ათასამდე აქტივისტმა გააპროტესტა. აქცია სამართალდამცავებთან დაპირისპირებაში გადაიზარდა. დემონსტრანტებმა პოლიციელებს ქვები და მოლოტოვის კოქტეილები დაუშინეს, სპეცრაზმელებმა კი მათ წინააღმდეგ რეზინის ხელკეტები გამოიყენეს. როგორც რადის დეპუტატი ანტონ გერაშენკო იტყობინება, სამართალდამცავებს დემონსტრანტებმა ხელყუმბარა ესროლეს, რის შედეგაც რამდენიმე სამხედრო მოსამსახურე დაშავდა. საკონსტიტუციო ცვლილებები, რომელიც დონბასისთვის განსაკუთრებული სტატუსის მიცემას ითვალისწინებს, პარლამენტმა დღეს წინასწარი მოსმენით მიიღო.
