პორტუგალიის ეროვნული ნაკრებისა და მადრიდის რეალის ლიდერი ნარცისიზმმა შეიპყრო. კრიშტიანუ რონალდუმ ცნობილ ბრიტანელ სკულპტორს, მაიკლ უეიდს საკუთარი ცვილის ფიგურა შეუკვეთა. სკულპტურა იმ ცვილის ფიგურის ზუსტი ანალოგია, რომელიც უკვე 2 წელია, მადრიდის მუზეუმშია გამოფენილი. მასში პორტუგალიელმა 20 ათასი გირვანქა სტერლინგი გადაიხადა. საკუთარ ქანდაკებას რონალდუ თავის ერთ-ერთ ესპანურ სახლში დადგამს.
