რუსი პარლამენტარების ფანტაზიას საზღვარი არ აქვს. სახელმწიფო სათათბიროს დეპუტატთა ჯგუფი გაეროს შტაბ-ბინის გადატანას ნიუ იორკიდან შვეიცარიაში მოითხოვს. შესაბამისი ინიციატივით გაეროს გენერალურ მდივანს თავდაცვის კომიტეტის წევრმა იგორ ზოტოვმა მიმართა. მისი განმარტებით, ორგანიზაციის შტაბ-ბინა იმ ქვეყანაში უნდა იყოს, რომელიც ნეიტრალური იქნება და არა იმ ქვეყანაში, რომელიც რუს დეპუტატებს ვიზებს არ აძლევს. გასულ კვირას ვაშინგტონმა ვიზა რუსეთის ფედერაციის საბჭოს მდივანს, ვალენტინა მატვიენკოს შეუზღუდა, რასაც მოსკოვის მხრიდან მწვავე რეაქცია მოჰყვა.
