მასშტაბური საპროტესტო მსვლელობები ლიბანში. ბეირუთის მოსახლეობა დედაქალაქში გამეფებულ ანტისანიტარიას აპროტესტებს. ქალაქიდან საყოფაცხოვრებო ნარჩენების გატანა უკვე რამდენიმე კვირაა, შეჩერებულია, რის გამოც ბეირუთის ქუჩები სანაგვეს დაემსგავსა. ამის გამო ლიბანის დედაქალაქში საპროტესტო ტალღა აგორდა. დემონსტრანტთა ერთმა ჯგუფმა გვიან ღამით მინისტრთა საბჭოში შეღწევაც სცადა, თუმცა პოლიციამ მათი შეჩერება შეძლო და რამდენიმე აქტივისტი დააპატიმრა.
