პორტუგალიაში განსასჯელის სკამზე 77 წლის პენსიონერი აღმოჩნდა. მას ბრალად სამი ადამიანის მოკლვა ედება. დაღუპულთა შორის ორი პოლიციელია. როგორც თვითმხილველები აცხადებენ, დავა მეზობელთან ავი ძაღლის გამო დაიწყო, რომელიც გამუდმებით ყეფდა და მოხუცს ძილს უფრთხობდა. მოჩხუბარი მეზობლების დაწყნარებას პოლიციელები შეეცადნენ, რა დროსაც მოხუცმა მათ ცეცხლი გაუხსნა. შედეგად 2 სამართალდამცავი და ერთ-ერთი მათგანის ვაჟი დაიღუპა, რომელიც ინციდენტისას მამასთან შემთხვევით იმყოფებოდა. ამის შემდეგ პენსიონერმა თვითმკვლელობა სცადა, თუმცა სამართალდამცავებმა მას ამის საშუალება არ მისცეს.
