უამინდობა შეერთებულ შტატებში. ამერიკის ჩრდილო-დასავლეთ შტატებს ძლიერმა ქარიშხალმა გადაუარა. ყველაზე დიდი ზარალი სტიქიამ სიეტლს მიაყენა. შტორმმა ბოლო მონაცემებით, 2 ადამიანი იმსხვერპლა. სტიქიამ მწყობრიდან გამოიყვანა ადგილობრივი ელექტროგადამცემი სისტემა, რის შედეგადაც 375 ათასამდე აბონენტს ელექტროენერგიის მიწოდება შეუწყდა. დაზიანებულია რამდენიმე საცხოვრებელი სახლიც. სტიქიის შედეგების სალიკვიდაციო სამუშაოები სიეტლში ამ წუთებშიც გრძელდება.
