გურჯაანის რაიონის სოფელ მელაანში მომხდარ ავარიას ერთი ადამიანი ემსხვერპლა და ორი დაშავდა. ერთმანეთს "ოპელისა" და "მერსედესის" მარკის ავტომობილები შეეჯახნენ. დაშავებულები საავადმყოფოში არიან გადაყვანილები.
შსს-ს ინფორმაციით, გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოებისა და ექსპლუატაციის წესების დარღვევას გულისხმობს, რამაც ადამიანის გარდაცვალება გამოიწვია.
