ბელარუსის პრეზიდენტობის კანდიდატი, ცნობილი მეწარმე ვიქტორ ტერეშენკო საავადმყოფოში მოხვდა. როგორც მისი საარჩევნო შტაბიდან იტყობინებიან, პრეზიდენტობის კანდიდატს ერთ-ერთ კაფეში საქმიანი შეხვედრა ჰქონდა, სადაც ერთი ჭიქა წვენი დალია. სითხის მიღებიდან რამდენიმე წუთში მას თვალების ქავილი დაეწყო, შემდეგ კი სახე გაუსივდა და ფერი დაკარგა. ამის შემდეგ ის ახლომდებარე კლინიკაში გადაიყვანეს. საპრეზიდენტო არჩევნები ბელარუსში 11 ოქტომბერს გაიმართება. მოქმედ პრეზიდენტს, ალექსანდრ ლუკაშენკოს 7 კონკურენტი ეყოლება.
