პირდაპირ ეთერში მოკლული 24 წლის ჟურნალისტის, ელისონ პარკერის მამამ ბარაქ ობამას მიმართა. ენდი პარკერმა თეთრი სახლის ლიდერს იარაღის ტარების შესახებ კანონის გამკაცრებისკენ მოუწოდა. „ბატონო პრეზიდენტო, გთხოვთ გააკეთოთ ისე, რომ ფსიქიკური პრობლემების მქონე ხალხს იარაღი ხელში არ უვარდებოდეს. გააკეთეთ ეს ჩვენი გულისთვის, რათა აღარ ვკარგავდეთ ყოველდღიურად ელისონებს და ადამებს,“-განაცხადა ჟურნალისტის მამამ. ტელეარხ WDBJ7-ის ჟურნალისტი ელისონ პარკერი და ოპერატორი ადამ უორდი ყოფილმა კოლეგამ მოკლა, რის მიზეზადაც რასისტული და ჰომოფობიური დისკრიმინაცია დაასახელა. ამის შემდეგ მან სიცოცხლე თვითმკვლელობით დაასრულა.
