ნატოს გენერალური მდივანი, იენს სტოლტენბერგი სოციალურ ქსელში ლიპარტელიანების ოჯახთან შეხვედრის ამსახველ ფოტოს აქვეყნებს. ფოტოს შემდეგი შინაარსის მინაწერი აქვს: „მადლობელი ვარ თამთა ლიპარტელიანის ოჯახთან შეხვედრის გამო, გოგონასი, რომელიც კუნძულ უტოიაზე მოკლეს.“ ტერორისტული თავდასხმები ოსლოსა და უტოიაზე 2011 წლის 22 ივლისს ანდერს ბრეივიკმა განახორციელა, რასაც 77 ადამიანი, მათ შორის, ქართველი გოგონა თამთა ლიპარტელიანი ემსხვერპლა. იენს სტოლტენბერგმა, რომელიც 2011 წელს ნორვეგიის პრემიერ-მინისტრის პოსტს იკავებდა, საქართველოში ნატოს გენერალური მდივნის რანგში ვიზიტისას ლიპარტელიანების ოჯახთან შეხვედრის სურვილი გამოთქვა.
