ავსტრიის აღმოსავლეთში შემზარავი ტრაგედია დატრიალდა. პოლიციამ ქალაქ პარნდორფისკენ მიმავალ გზატკეცილზე სატვირთო ავტომანქანა აღმოაჩინა, რომელშიც 50-მდე ადამიანის ცხედარი იპოვნეს. არალეგალი ემიგრანტები სავარაუდოდ ჟანგბადის ნაკლებობით გაიგუდნენ. ცოტა ხნის წინ მომხდართან დაკავშირებით კომენტარი ავსტრიის შს მინისტრმაც გააკეთა. იოჰანა მიკლ-ლიაიტნერმა მომხდარს „ქვეყნისთვის შავი დღე“ უწოდა.
