რუსეთი უკრაინას ვალებს არ ჩამოაწერს. ამის შესახებ ქვეყნის ფინანსთა მინისტრმა ანტონ სილუიანოვმა განაცხადა. „რაც შეეხება ჩვენს მიმართ არსებულ დავალიანებას, ეს ძირითადად საინვესტიციო პროექტებია. თუ ისინი არ გადაგვიხდიან, სასამართლოს მივმართავთ,“-აღნიშნა რუსეთის მთავარმა ფინანსისტმა. მანამდე უკრაინის პრემიერ-მინისტრმა მთავრობის სხდომაზე განაცხადა, რომ საერთაშორისო კრედიტორები კიევს 4 მილიარდიან ვალს ჩამოაწერენ.
