ნატო-საქართველოს ცენტრი არა მხოლოდ საქართველოს შეიარაღებული ძალების დამხმარე იქნება, ასევე უმნიშვნელოვანესი იქნება მოკავშირეთა ძალების მომზადებისთვისაც, - ამის შესახებ ნატო-ს გენერალურიმა მდივნმა იენს სტოლტენბერგმა წვრთნისა და შეფასების ერთობლივი ცენტრის გახსნის საზეიმო ღონისძიებაზე განაცხადა. მისივე თქმით, ცენტრი დაეხმარება საქართველოს, რათა 21-ე საუკუნის გამოწვებს დაუპირისპირდეს.
"ერთობლივი ცენტრი საქართველოსთვის დახმარების აღმომჩენი იქნება, რათა საქართველოს შეიარაღებული ძალები უფრო თამამედროვე, უფრო მაღალი ბრძოლისუნარიანობით იყოს აღჭურვილი, იმისთვის, რომ 21-ე საუკუნის გამოწვევებს დაუპირისპირდეს. ცენტრი არა მხოლოდ საქართველოს შეიარაღებული ძალების დამხმარე იქნება, ასევე უმნიშვნელოვანესი იქნება მოკავშირეთა ძალების მომზადებისთვის და გააუმჯობესებს თანამშრომლობას საქართველოსა და სხვა ქვეყნების შეიარაღებულ ძალებს შორის. საქართველოსა და ნატო-ს სხვა პარტნიორ ქვეყნებს საკმაოდ დიდი გამოცდილება დაუგროვდათ ავღანურ მისიაში იმასთან დაკავშირებით თუ როგორ ითანამშრომლონ. მომავალში სხვა ღონისძიებებიდან გამომდინარე, თანამშრომლობა კიდევ უფრო გაღრმევდება, თუმცა სამუშაო ჯერ კიდევ არსებობს, სანამ აღნიშნული ცენტრი სრული დატვირთვით ამუშავდება", - განაცხადა ნატო-ს გენერალურმა მდივანმა.
მისივე თქმით, საქართველო და ნატო ყველაფერს გააკეთებენ იმისთვის, რომ მაქსიმალური სარგებელი მიიღონ იმ მომზადებიდან რასაც ცენტრი შესთავაზებს მსმენელებს.
"ცენტრი არ არის მხოლოდ შენობა და მხოლოდ ოფისები. მასში შედის პოლიგონები, სხვადასხვა ობიექტები მთელი საქართველოს მასშტაბით. ქართული და ალიანსის პერსონალი ერთად იმუშავებს იმისთვის, რომ ერთობლივი წვლილი შეიტანონ საერთაშორისო უსაფრთხოებისთვის”, - აღნიშნა სტოლტენბერგმა.
