რუსეთის მოქალაქეებს სრული უფლება აქვთ ამორალური და არასამართლიანი კანონები არ შეასრულონ. ამის შესახებ რუსეთის ხელისუფლებისგან დევნილმა ბიზნესმენმა მიხაილ ხოდორკოვსკიმ განაცხადა. „მაგალითისთვის შემიძლია მოგიყვანოთ ე.წ. დიმა იაკოვლევის კანონი ან სანქცირებული პროდუქტების განადგურების კანონი, ასევე როსკომნადზორის მიერ დაწესებული შეზღუდვები. ასევე დიდი უსამართლობაა უკრაინელი რეჟისორის, ოლეგ სენცოვის, აქტივისტ ოლეგ მირონოვის, ოლეგ ნავალნის და პუსი რაიატის წინააღმდეგ გამოტანილი განაჩენები,“-აღნიშნა ხოდორკოვსკიმ.
