თურქეთი ისლამური სახელმწიფოს პოზიციებს საერთაშორისო კოალიციასთან ერთად დაბომბავს. ამის შესახებ პენტაგონის ოფიციალურმა წარმომადგენელმა პიტერ კუკმა განაცხადა. მისივე თქმით, თურქული ავიაგამანადგურებლები საჰაერო ოპერაციებში უახლოეს დღეებში ჩაერთვებიან. თურქებმა ჯიჰადისტთა პოზიციებზე ავიადარტყმები პირველად ივლისის ბოლოს განახორციელეს. მოგვიანებით ანკარამ ოფიციალურად განაცხადა, რომ გადაწყვეტილება ისლამისტებზე საჰაერო იერიშების მიტანის შესახებ არა ვაშინგტონის დავალებით, არამედ დამოუკიდებლად მიიღეს.
