აშშ პრეზიდენტობის კანდიდატმა ჟურნალისტი საკუთარი პრესკონფერენციიდან გააძევა. მილიარდერი ესპანური ტელეარხის კორესპონდენტის კითხვამ გააღიზიანა, რომელიც მიგრანტების თემას ეხებოდა. კითხვის დასმისას ტრამპმა ჟურნალისტს კითხვა რამდენჯერმე გააწყვეტინა, საბოლოოდ კი დაცვის თანამშრომლებმა ესპანელი კორესპონდენტი დარბაზიდან გაიყვანეს. მოგვიანებით ჟურნალისტი პრეს-კონფერენციაზე დააბრუნეს და ინციდენტი ამით ამოიწურა. მიგრაციის პოლიტიკის შეცვლის აუცილებლობის შესახებ ტრამპმა სკანდალური განცხადებები არაერთგზის გააკეთა. მილიარდერმა მექსიკელ მიგრანტებს კრიმინალები უწოდა და განაცხადა, რომ პრეზიდენტად არჩევის შემთხვევაში მათ ქვეყნიდან გააძევებს, მექსიკის საზღვარზე კი 3 ათას კილომეტრიან კედელს ააშენებს.
