სირიის კონფლიქტის დარეგულირება ახლო მომავალში ნაკლებად შესაძლებელია. ამის შესახებ ქვეყნის პრეზიდენტმა ტელეარხ „ალ-მანარისთვის“ მიცემულ ინტერვიუში განაცხადა. მისივე თქმით, კონფლიქტი მას შემდეგ მოგვარდება, რაც მხარეები მოლაპარაკების მაგიდას ყოველგვარი შუამავლების გარეშე მიუსხდებიან, რაც დღევანდელი რეალობის გათვალისწინებით შეუძლებელია. ბაშარ ასადმა გაეროს სპეციალური წარმომადგენელი სირიის საკითხებში სტეფან დე მისტურუც გააკრიტიკა. მისი მტკიცებით, დიპლომატი სირიის მოქმედი ხელისუფლების მიმართ არაკონსტრუქციულად არის განწყობილი.
