სტიქიამ მნიშვნელოვნად დააზარალა შავი ზღვის სამხრეთ აღმოსავლეთ სანაპირო. ძლიერი წვიმის შედეგად გამოწვეულ წყალდიდობას, თურქეთში საქართველოს საზღვრათან ახლოს მდებარე ართვენის პროვინციაში მსხვერპლი მოჰყვა. წყლის ნაკადმა ორი შენობა დაანგრია. ბოლო მონაცემით დაიღუპა რვა ადამიანი, ორი დაკარგულად არის მიჩნეული. აქედან ერთი მათგანი ბავშვია. სტიქიამ ძირფესვიანად წააქცია ხეები და ათობით სახლი დატბორა. 17 დაშავებული სხვადასხვა სახის დაზიანებებით საავადმყოფოებში მოათავსეს. რამდენიმე რაიონი ელექტრო მომარაგების გარეშეა დარჩენილი.
