ბოლო რამდენიმე დღის განმავლობაში სერბეთის საზღვარი 10 ათასამდე ლტოლვილმა გადაკვეთა. ამის შესახებ გაეროს ლტოლვილთა საქმეების კომიტეტი იტყობინება. არალეგალთა უმეტესობა სირიის მოქალაქეა. ისინი დასავლეთ ევროპაში გაღწევას ბალკანეთის გავლით ცდილობენ. ბელგრადსა და ქვეყნის დიდ ქალაქებში ისინი ღამეს ღია ცის ქვეშ, პარკებსა და საზოგადოებრივი თავშეყრის ადგილებში ათენებენ.
