გაეროს გენერალური მდივანი პალმირაში ისტორიული მონასტრის განადგურებისა და ცნობილი არქეოლოგის მოკვლის გამო შეშფოთებას გამოთქვამს. „გაეროს გენერალური მდივანი შეშფოთებულია ტერორისტული თავდასხმებითა და საერთაშორისო ნორმების უხეში დარღვევით . ბარბაროსული აქტები პირველ რიგში სირიის მოსახლეობის წინააღმდეგ არის მიმართული,“-ნათქვამია სპეციალურ განცხადებაში, რომელიც გაეროს ვებ-გვერდზე გამოქვეყნდა. ბაალ-შამინის ისტორიული ტაძარი ისლამური სახელმწიფოს მებრძოლებმა გასულ კვირას ააფეთქეს. მანამდე კი ჯიჰადისტებმა პალმირაში ცნობილი არქეოლოგი, მეცნიერი და მკვლევარი ჰალედ ასაადი მოკლეს.
